| 超級耐冇打過xanga la~~好想試下link 去facebook 嘅function 終於完了, 三年嘅大學完了, 好開心完sem 嘅一日去咗南北飲茶同夜晚bbq 超級鍾意多人嘅活動, 影咗好多好多相, 個感覺真係好正 講下感受先, 實在太耐都打過xanga la, 可能呢排都係比較忙啦
回想番3年嘅大學都係好充實, 上莊, 補習, internship, student embrassader...
總括咁耐嘅學生生涯, 我由細到大都係一個大忙人, 其實好似自己冇咩點休息過, 細個就成日學呢樣學嗰樣, 又有好多活動, 我好似冇一個真正咩都唔洗做嘅暑假, 今年都唔例外, 放兩個星期就要返工lu....
嚮科大呢個地方入面, 有好多好多嘅開心, 好多好多嘅唔開心, 呢幾日行過唔同嘅地方影相,
唔知點解個腦都會記番一啲嚮嗰個地方發生過嘅場面, 呢幾日成日都諗起, 收到offer 5414嘅時候, 入嚟reg day好新鮮嘅感覺, 好pure, 真係好唔想冇咗呢種感覺, 希望過幾年之後都可以搵得番啦~~
其實嚮呢幾年都有撼事, 就係冇去exchange, 同埋成日遲到, 同埋唔讀好啲書, 好多野都做唔到完美, 可能, 我唔係一個追求完美嘅人啦...
返學最開心呢, 就係識到一班朋友, 好彩大學都會有, 由細到大都係好鍾意返學, 唔係因為鍾意上堂, 我最鍾意就係小息, lunch time, 放學返屋企嘅時間, 因為唔洗自己一個過獨生女嘅日子...雖然大學入面搵唔到十分交心嘅人, 可能我係一個慢熱嘅人啦, 不過都好彩有上莊, 好彩有班莊員, 我仲會記得你地嚮我最唔開心嘅時候support 過我 ^^, 上莊嘅一年, 真係好印象深刻, 通頂打牌嘅日子, 相信我以後都唔會有, 亦都試咗日夜顛倒, 可以無事常相見....突然諗起首17歲改篇版 最後, 都係要講下拍拖啦, 作為一個由小學開始讀女校嘅女仔嚟講, 十分之恨...不過唔會好刻意去追求.....一上到大學, 竟然遇到你.....雖然, 我同你嘅性格真係好唔似, 好似一個行東另一個行西, 不過成日食野都可以各取所需, 記得食魚生飯, 我唔要青瓜, 你唔要蛋...交換食都幾有趣...雖然我地成日一組做project, 會有好多意見唔同, 我又成日要堅持自己嘅意見, 多謝你會讓我呢個好固執嘅人~~ 其實我都算係一個幾幸運嘅人, 竟然會考都唔係好啦, 又會俾我去到3AL 嗰班, 咁先讀到pure math, 咁先會讀到呢科, AL 又唔係考得好啦, 一個英文成日包尾嘅人, 又好彩俾我攞到個D返嚟啦, 我嗰時真係有驚過會唔合格升唔到大學嫁, 又俾我升到....畢業lu, 咁差嘅經濟, 成績又唔係好, 又俾我搵到工.. |
